Hündürlükdə aparılan işlər tikinti, sənaye və texniki xidmət sahələrində yüksək risk daşıyan fəaliyyətlərdən biridir. Bu səbəbdən istifadə olunan avadanlıqların texniki vəziyyətinin mütəmadi olaraq yoxlanılması və istismar üçün yararlılığının qiymətləndirilməsi təhlükəsizliyin təmin edilməsində mühüm rol oynayır.

 Alba Mühəndislik Şirkəti tərəfindən təqdim olunan hündürlükdə iş avadanlıqlarının yoxlanılması və istismara yararlılığının qiymətləndirilməsi xidməti müəssisələrdə istifadə olunan avadanlıqların təhlükəsizlik standartlarına uyğunluğunu müəyyən etmək və potensial risklərin qarşısını almaq məqsədi daşıyır.

Xidmət çərçivəsində mütəxəssislərimiz aşağıdakı istiqamətlər üzrə yoxlamalar həyata keçirirlər:

Hündürlükdə iş üçün istifadə olunan fərdi mühafizə vasitələrinin (təhlükəsizlik kəmərləri, karabinlər, lifeline sistemləri və s.) texniki vəziyyətinin yoxlanılması
Avadanlıqların mexaniki zədələnmələrinin və aşınma səviyyəsinin qiymətləndirilməsi
İstehsalçı tələblərinə və təhlükəsizlik standartlarına uyğunluğun yoxlanılması
İstismar müddətinin və istifadə tarixçəsinin təhlili
Aşkarlanmış uyğunsuzluqlar üzrə tövsiyələrin verilməsi
 Yoxlama prosesinin nəticələrinə əsasən avadanlıqların istismar üçün yararlılığı barədə rəy təqdim edilir və lazım olduqda təhlükəsiz istifadənin təmin edilməsi üçün müvafiq tövsiyələr hazırlanır.

 Alba Mühəndislik Şirkəti olaraq məqsədimiz müəssisələrdə hündürlükdə iş zamanı təhlükəsizlik səviyyəsini artırmaq, avadanlıqların etibarlı və düzgün istifadəsini təmin etmək, həmçinin beynəlxalq əməyin mühafizəsi standartlarına uyğun xidmət göstərməkdir.